الجمعة، يناير ١١، ٢٠٠٨

يا رب الساعة 6 تيجي الساعة 9


باللاكلوك الأرنب ده (بس بتاعي لونه روز)، و العيون النص مقفولة دي، و نظرة النعاس و البؤس دي، و المج (بس بتاعي على شكل فيل) أللي مليان نسكافيه، و اليبجاما دي (بس غالبا ما تكون لونها بنفسجي (لوني المفضل). و حيث أنني برج الأسد و حيواناتي المفضلة هي العائلة القططية . كده تبقى دي أدق صورة التقطت لي في حياتي. سيبكم من صور الأفراح و المصايف. دا تصنع و كلام فارج يا سادة. أنا بتكلم على الواقع اليومي. أنا اكره الصحيان بدري و معقدة منه من أيام المدرسة زمان. يعني هيجرى إيه لو الساعة 6 صباحا جت الساعة 9 خصوصا في الشتاء؟ يعني بعديها بثلاث ساعات؟ بس عشان أكون نمت و أرتحت شوية كده و هي تيجي بقى براحتها و نشوف شغلنا و احنا فايقين
ملحوظة: اللكلوك هو جهاز كده شبيه للشراب في مواد انتاجه و ضخم مثل الحذاء في الحجم. عادتا ما يكون على شكل حيوان و له ألوان فاقعة و فروة حول إطاره الخارجي و يكون مصنوع في الصين. ترتديه البنات في الشتاء للتدفئة. عمري ما اتكلمت عن اللكلوك دا و حد من الولاد فهم، لذا لزم التوضيح. متسألونيش ليه مافيش لكاليك للولاد. معرفش. دي مش مسؤليتي. دي مشكلة تروحوا تعرضوها على جمعيات المساواة بين الرجل و المرأة في دول عدم الإنحياز المتقدمة
نرجع لموضوعنا.. فهل هناك من يعرف طريقة نقنع بها الساعة ال6 أن تأتي في ال9؟ شكرا يا حضرات لتعاونكم

هناك ٢٠ تعليقًا:

غني يابهيه يقول...

والله ياريت ويبقى امتحانى 3.5 بدل 12.5

حسن ارابيسك يقول...

مي
عامله ايه يارب تكوني بخير
ايه الصوره الكارتونيه الحلوة دي وعلى فكرة دي صورتي في الليل فقط في الشتاء القارص
وبخصوص اللكلوك الرجالي موجود من زمان لكاليك رجالي وبلبسها من زمان وبالطبع هي لا يوجد في مقدمتها رأس حيوان مثل التي توجد لدى لكاليك البنات

وبخصوص موضوع الساعة 6
المشكله بس عندك في ان اكيد انتي بتسهري جامد وده له تأثير في استيقاظك من النوم
لذلك لو نمتي بدري هاتصحي بدري جداً وانتي فايقه وحاسه بنشاط جميل وهاتستمتعي بالصحيان بدري جربي بس
واشوفك على خير في بوست تاني منوراه ياقمر المدونات

محمد العدوي يقول...

طبعا فيه :

أولها انه احنا نعلم الساعة الاستهبال ..


بس والله الدنيا حلوة قوي بدري .. والناس لسة نايمة .. الشوارع بتبقى فاضية والهوا لسة بيغني ..


أنا شخصيا بحب بدري دا قوي ..


كل الود

غير معرف يقول...

Hi Mai,

How ru dear? happy new year. it is a long time a go that i visited your blog , it is a nice post as usual about waking up early, i hate it also but i have to wake uo at 7.00 oclock everyday. That is a way it is. i was in egypt for 2 weeks, i am backe at 12-01-08 to holland, it was a great time in egypt ith all familie and friends.Visiting my favorite places in cairo like the Nile or El hossien or mise el gedida.Anway have a nice day.

Sherif

Mai Mohamed Rizk يقول...

صاحب مدونة غني يا بهية: كل التوفيق إن شاء الله في امتحاناتك سواء نجحنا في موضوع اقناع الساعة بالاستهبال أو لأ. سمعنا اخبار حلوة قريبا بقى.

حسن ارابيسك: هطلب منك خدمة جليلة. صور اللكلوك الرجالي ده و اكتب عنه تدوينة بحيث لما أحتاج افهم حد ما هو اللكلوك الرجالي أشير إلى مدونتك :)

محمد العدوي: سيب موضوع تعليم الساعة الاستهبال ده على الله و عليا :) عيب دي شغلتي (أقصد التعليم طبعا)

أما بخصوص موضوع الصحيان بدري ده يا جماعة فا أنا بحب النهار و الشمس و النور.. بس بردو مش الساعة 6 صباحا. أما النوم و خصوصا النوم بدري فده مش بأيدي :) ده رزق من عند ربنا. يا رب ينولنا من الحب جانب يا سيدي. حد يكره؟!

Sherif: welcome back. or rather there :) I'm glad you enjoyed your trip to Egypt. I hope Holland is not as cold now as Egypt. We're suffering from extremely cold fits here nowaday as my last post indicates. Many happy returns in shaa Allah & good luck

Ahmed ElSharawy يقول...

Interesting Blog

Mawdou3 elsa3a 6 da sa3b 2awee, elwa7ed mesh beyeb2a faye2 3ashan yeqne3 7ad eno yet2akhar 3 sa3at

غني يابهيه يقول...

هاى مى
معاكى مصطفى
وحشتونى كلكم
لسا مخلص امتحانات

غني يابهيه يقول...

انتى مختفيه فين
يارب تكونى بخير

مهندس الرومانسيه يقول...

والله شئ جميل بس انا عاوز الساعه تقف ومتنسوش كل لحظه بتعدى بتقربنا للنهايه ياااااااارب يارب يارب يارب يااااااارب اوقاتنا كلها نكون سعيده ونعمل كل اللى بنتمناه بس يكون فى طاعه ربنا (ويارب تقلينى صديق ليكى وليكم كلكم وتتفضلوا بزياره مدونتىalghroob)وشكرا لكم جميعا

Mai Mohamed Rizk يقول...

أحمد شعراوي: أهلا يا باشمهندس..أنست و نورت. سعيدة إن البلوج عجبك. يا رب دايما بقعى عند حسن الظن.

مصطفى: الإختفاء سره ضغظ العمل. نعمل أيه؟ على رأي ريه و سكينة: "محدش بياكلها بالساهل."

المهندس: شكرا على تعليقك و أهلا بيك ضيف عزيز على مدونتي في كل وقت.

غني يابهيه يقول...

حمد لله على السلامه
هو انتى بتشتغلى ايه اصلا ؟

محمد العدوي يقول...

هو الساعة عطلت ولا ايه ..

بأسلم بس .

حسن ارابيسك يقول...

مي
طال بنا الوقت
وافتقدناكِ كثيراً
وعزاؤنا الوحيد
أن يطل علينا بوست جديد يحمل لنا معه اشراقة تواصلك معنا

تحياتي
أرابيسك

Camellia Hussein يقول...

ههههههههههه
صباحك فل
مدونتك لذيذة اوي
وعجبني اوي البوست بتاع حفل التخرج

Mai Mohamed Rizk يقول...

محمد: الساعة معتلطش. أنا ألي صحتي مش جيه على الصحيان بدري.:)ألف سلام

كميليا: أهلا بيكي. نورتي و شرفتي المدونة، تشربي ايه؟ :) أهلا أهلا

حسن: والله زنئت شغل بس و بعض المشاغل. أدعيلي بإلهام جديد

حسن ارابيسك يقول...

مي
كل عام وأنتي بخير
بمناسبة المولد النبوي الشريف

Soooo يقول...

تصدقي الموضوع ده فعلا موضوع جد

بس عارفه انا تغلبت عليه عن طريق اني اظبط المنبه مقدم ساعه .. بقى بيقول ان الساعه 8 وانا باصحى الساعه 7 .. وبكده الى حد ما صدقت نفسي اول يومين لكن بعد كده قلت ايه الهطل ده

وعلى فكره .. انا كان عندي لكلوك بس ايييه
فظييييييييييييع


اول مره لي في مدونتك وجاري التفحيص والتمحيص



سلاموووووووووز

Mai Mohamed Rizk يقول...

SOOO,
لكلوك سعادتك شرف المدونة و الله لول. و أما فيما يخص مسألة الفحس و التمحيص فربنا يجعلنا عند حسن الظن.

hend mossallam يقول...

7elwa awii w bgd tare2tek latyfa awii fi 2l ketaba ...

Mai Mohamed Rizk يقول...

Thank you. Such kind words are what encourages me to go on writing. you are always welcome to the blog. :)